Ўзбекистон президенти болалар меҳнатининг энг ёмон кўринишларини тақиқлашга доир халқаро конвенцияни ратификация қилиш ҳақидаги қонунга имзо чеккан. 1999 йилда қабул қилинган конвенция болалар меҳнатига барҳам бериш бўйича шошилинч чоралар кўришни тақозо қилади. Ушбу ҳужжатнинг имзоланиши Ўзбекистон пахта далаларида болалар меҳнатига чек қўйиш юзасидан халқаро босимлар остида қолаётган пайтга тўғри келган. Ўзбекистон ҳукумати болалар меҳнатидан фойдаланишни рад этиб келади. 'Environmental justice' жамғармаси яқинда эълон қилган ҳисоботида “Ўзбекистонда аҳолининг учдан бир қисми пахта саноатига мажбуран жалб этилиши ва уларнинг кўплари болалар экани”ни айтганди. Болалар қўллари билан терилган ўзбек пахтасининг учдан бир қисмини Оврўпо сотиб олади ва бу расмий Тошкент ҳамёнига йилига 350 миллион доллар фойда келтиради. Халқаро ташкилотнинг айтишича, Туркманистон ва Ўзбекистонда болалар меҳнатидан кенг фойдаланилади. Ҳамда Ўзбекистон улар орасида энг ёмонларидан биридир. Ташкилот томонидан олиб борилган тадқиқотдан аён бўлишича, Ўзбекистон пахта саноатини таъминлаш учун ҳар йили 200 минг бола далага олиб чиқилади.