Боши » 2008 » Апрель » 17 » Президент Каримов НАТОга ҳамкорлик таклиф қилди
Президент Каримов НАТОга ҳамкорлик таклиф қилди
14:43
Каримовнинг баёноти унинг ғарб билан алоқаларни қайта тиклаш ниятида қатъий эканини тасдиқлаган НАТО саммитида нутқ сўзлаган Ислом Каримов Ўзбекистон НАТОга транзит йўлаги очиб беришга тайёр эканини айтган. Жаноб Каримов Афғонистонда тинчлик ва барқарорликка эришиш Ўзбекистоннинг манфаатларида эканини урғулаган. Унга кўра, сўз НАТОнинг Афғонистонга олиб ўтиладиган ҳарбий бўлмаган юклари ҳақида бормоқда. Жаноб Каримов бу борада Шимолий Атлантика Иттифоқи билан келишув имзолашга тайёрлигини изҳор қилган. Ўзбекистон раҳбарининг билдиришича, Олмония билан шу йил мартида Ҳайратондаги темир йўлидан фойдаланиш борасида имзоланган келишув НАТО билан келажакдаги ҳамкорликка асос бўлиши мумкин. Кузатувчиларга кўра, Президент Каримовнинг НАТОга ҳамкорлик таклифи унинг ғарб билан Андижон воқеаларидан сўнг ёмонлашиб кетган алоқаларни яхшилаш ниятида қатъий эканини кўрсатади. Жаноб Каримовнинг баёноти Ўзбекистон АҚШ кучларининг Термездаги ҳарбий ҳаво базасидан фойдаланишига рухсат этиши ортидан янграмоқда. Ўзбекистон президентининг баёнотига муносабат билдирган НАТО Бош Котиби Яп Де Хооп Схеффер расмий Тошкентнинг НАТО билан ҳамкорликни қайта тиклаётганини олқишлашини айтган. Президент Каримов НАТО саммитида иштирок этмоқда 'Сиёсий ҳамкорлик' Президент Каримов ўз чиқишида НАТОнинг "сиёсий тузилмага айланиб бораётгани"ни алоҳида таъкидлаган. У Ўзбекистоннинг НАТО билан ҳамкорлиги атроф-муҳит ва инсонпарварлик соҳалари, шунингдек, 'демократик янгиланишлар'ни ўз ичига олиши мумкинлигини айтган. Андижон воқеаларидан сўнг Россия билан яқин ҳарбий алоқалар ўрнатган Ўзбекистон шу ҳафта МДҲнинг Коллектив хавфсизлик шартномасидаги иштирокини қайта тиклаган. Ўтган ой НАТОнинг Марказий Осиё бўйича махсус вакили Роберт Симмонснинг Ўзбекистон АҚШ кучларига ўз ҳудудидан фойдаланишга рухсат бергани ҳақидаги баёноти Россия ва МДҲнинг ҳарбий доираларида тушунмовчиликларга сабаб бўлган эди. Кузатувчиларга кўра, жаноб Каримов НАТО билан сиёсий алоқаларга урғу бериш орқали ҳарбий алоқаларнинг аҳамиятини пасайтиришга уринаётган бўлиши мумкин. Аммо аввалроқ Россия ҳам НАТО юкларининг транзити учун йўл очиб беришини айтган. НАТОнинг Марказий Осиё бўйича махсус вакили Роберт Симмонснинг Би-би-сига айтишича, Россия Афғонистон билан чегарадош эмаслиги ҳисобга олинса, Ўзбекистоннинг иштирокисиз бу таклиф ҳеч нарсани англатмайди. "Жаноб Каримовнинг баёноти Ўзбекистон ана шу транзитнинг бир қисми бўлиш истагида эканини тасдиқлади, холос,"-деб айтди НАТО мулозими. Аммо жаноб Симмонсга кўра, Президент Каримовнинг Бухарестдаги саммитда иштирок этиши Ўзбекистон билан алоқаларнинг, шубҳасиз, яхшиланаётганини кўрсатади. Инсон ҳуқуқлари гуруҳлари Президент Каримовнинг НАТО саммитига таклиф этилишини ғарб томонидан ён бериш сифатида танқид қилишган. Аммо жаноб Симмонснинг айтишича, НАТО Андижон воқеалари борасидаги мавқеъини ўзгартирмаган, бироқ Ўзбекистон билан мулоқот қилиш тарафдори. Сўнгги янгиликлар Россиянинг бўлгинчи ҳудудлар билан ҳамкорлиги кенгаяди Малайзия хорижий ишчилардан воз кечмоқчи Японияда ходимлар қуш тумовига қарши эмланади (none)
Каримовнинг баёноти унинг ғарб билан алоқаларни қайта тиклаш ниятида қатъий эканини тасдиқлаган