Петербург шаҳар четидаги қурилиш майдончасида ўзбекистонлик ишчи ҳалок бўлган
Нашр қилинди: 25 июн, 2008 йил
“Комсомольская правда” хабар беришича, Петербург четидаги Зелиногорскда қурилиш майдончаларидан бирида ўзбекистонлик ишчи шериклари билан бўлиб ўтган оддий жанжал давомида ҳалок бўлган. Яна уч нафар ишчилар турли жароҳатлар билан касалхонага келтирилган.
Ҳодиса тунги соат бирга яқин, Липовая кўчасида содир бўлган. Петербурглик қурувчи ўзбекистонлик ҳамкасбларидан чекиш сўраган. Оддий илтимос жанжалга айланган, сигарет сўровчининг бошига мушт тушган. Петербурглик кимса кўчага чиқиб бульдозерини юргизган ва машинани қурувчилар яшайдиган вагончаларга йўналтирган. Ишчилардан бири жойида ҳалок бўлган, учтаси Сестрорецк шаҳар №40-чи касалхонасига жойлаштирилган.
Бульдозерчи қўлга олинган, зарур экспертизалар ўтказилмоқда. Ҳуқуқ-тартибот идоралари ушбу ҳолат юзасидан жиноят иши очиш масаласини ҳал қилмоқдалар.
Манбаа Ponauz Info